Balik maning meng tema eh judul Basa Banyumasan Ilang ?…. Nyong tah jane ya madan krasa angger nyong ndopok karo wong Jakarta koh ya Lu-Gue Lu Gue, ndopok karo wong jogja ya melu ono opo tho dab. Hehe. Adikku ya melu baen, kuliah nang jogja kegawa bandhek ora ketang bandhek wetan kali haha, mbarang siki nyambut gawe nang jawa timur ya melu yo opo rek… jaaan ya.

Lha kiye sing jane tau dikritik nang budayawan banyumas, nek ora salah Bapak Ahmad Tohari, rumangsa angger basa banyumasan dianggap inferior.  Nek ora salah nyong maca nang koran Suara Merdeka. Manut karo tulisan kuwe, kudune dhewek aja rumangsa inferior, soale basa banyumasan (digabung karo basane wong tegal) , imbang apa malah mayoritas dibandingna basa sehari-hari liyane sing dienggo nang provinsi Jawa Tengah. Lucune, aku maca  nang internet pas awal reformasi ana sing arep gawe provinsi Banyumas dengan Ibukota Tegal dan bahasa ngapak sebagai cirti khas provinsi he he he. Jane yang nyong cocog lho.

Tapi nyong juga mikir, jan-jane kuwe awake dhewek merasa inferior apa malah awake dhewek sing mudah (mencoba) menyesuaikan diri karo lingkuangan sekitar. Dadi nang banyumas, ngapak, nang jakarta /lampung lo-gue, nang DIY melu ono opo to, lha meng Jawa Timur ya melu yo opo rek.

Angger di deleng maning, nang sekolahan, guru sing mulang bahasa jawa rata-rata ya sekang wetan, Klaten, Solo, Sukoharjo, Wonogiri, DIY. (jane tah ora kur guru bahasa jawa thok hehe). Nah DIY, Solo dan sekitarnya khan madan terkenal alus-alus polahe, omongane dadi ya basa banyumasan  sing ngapak apa anane madan kepriwe ….

Ketambahan maning Radar Banyumas, sing ngaku koran lokal banyumas tapi angger nulis nganggo basa Banyumasan malah amburadul kecampuran basa bandhek… jaaaan. Gawe gemes temenan.

Nang edek umahku tah esih akeh bocah SD karo SMP basane ngapak Banyumasan, tapi angger krungu suara radio, penyiare jaaaan njakartani temenan, dadine ya pancen bisa maraih ilang metuk sepethil.